రోడ్లు, డ్రైయిన్లు ఆక్రమించి ప్రజలకు అసౌకర్యం కలిగించరాదు

-కమిషనర్ స్వప్నిల్ దినకర్ పుండ్కర్

విజయవాడ, నేటి పత్రిక ప్రజావార్త :
కేదారేశ్వర పేట పండ్ల మార్కెట్ వద్ద మామిడి కాయల వ్యాపారులు ట్రాఫిక్ కు అంతరాయం కలిగించుటపై స్థానికులు మరియు పాదచారులు నగరపాలక సంస్థ కు పలు ఫిర్యాదులు చేయటం జరిగినది అంతేకాక సదరు వ్యాపారస్తులు తమ వ్యాపార నిర్వహణ కొరకు నగరపాలక సంస్థకు నిర్ణీత రుసుము (ఆశీలు) చెల్లించి అనుమతి పొంది లైసెన్సింగ్ నిబంధనలకు లోబడి వ్యాపార నిర్వహణ చేసుకొనవలసినదిగా ఇప్పటికి మూడు పర్యాయములు నగరపాలక సంస్థ సిబ్బంది, అధికారులు తెలియచేసిననూ ఖాతరు చేయకపోవుట చేత నగరపాలక సంస్థ ప్రణాళికా విభాగము మరియు ఎస్టేట్ విభాగము సంయుక్త ఆధ్వర్యములో ఆక్రమణల తొలగింపు కార్యక్రమము చేపట్టబడినది. ప్రజలకు, పాదచారులకు, ప్రయాణికులకు ఆటంకము కలిగించు విధముగా రోడ్డు, డ్రైయిన్లు ఆక్రమించు వారిపై తగు చర్యలు తీసుకొనబడునని కమిషనర్ వారు తెలియజేయడమైనది.