శ్రీ కార్య సిద్ధి ధ్వజ స్తంభం విగ్రహ ప్రతిష్ట మహోత్సవం

విజయవాడ, నేటి పత్రిక ప్రజావార్త :
విజయవాడ స్థానిక అరండల్ పేట లో శ్రీ కార్యసిద్ధి గణపతి ప్రతిష్ఠ మరియు నూతన జీవ ధ్వజ ప్రతిష్ఠ శ్రీ కనకదుర్గా మల్లేశ్వర స్వామి దేవాలయము నందు ప్రతిష్ట మహోత్సవం ఘనంగా జరిగింది. ఈ కార్యక్రమంలో దేవస్థాన ప్రెసిడెంట్ శివయ్య మాట్లాడుతూ ఆలయ కమిటీ, వ్యయప్రయాసలతో ఈ కార్యక్రమాన్ని నిర్వహించారని, వేలాది మంది భక్తులు తీర్థప్రసాదాలు స్వీకరించి అన్నదాన కార్యక్రమంలో పాల్గొన్నారని అన్నారు. కోశాధికారి కిరణ్ కుమార్ మాట్లాడుతూ నూతన జీవ ధ్వజ ప్రతిష్ట శ్రీ కనక దుర్గ మల్లేశ్వర దేవాలయం నందు కార్మిక నగర్ లో ఘనంగా నిర్వహించామని అన్నారు. ఈ కార్యక్రమంలో వైస్ ప్రెసిడెంట్ బి. దుర్గారావ్, వెంకటేశ్వర్లు, ఆలయ కమిటీ సభ్యులు తదితరులు పాల్గొన్నారు.