శాసనసభ సభ్యుల క్రీడా, సాంస్కృతిక పోటీలు దిగ్విజయంగా ముగిసాయి… : శాప్ చైర్మన్ రవి నాయుడు

విజయవాడ, నేటి పత్రిక ప్రజావార్త :
ఈనెల 18, 19,20 తేదీలలో నిర్వహించిన శాసనసభ్యులు, శాసనమండలి సభ్యుల క్రీడా పోటీలు విజయవంతంగా ముగిశాయని గతంలో ఎన్నడు లేని విధంగా ఈ కార్యక్రమాలు జరిగాయని స్పీకర్ అయ్యన్న ఆదేశాల మేరకు ఈ పోటీలను ఏర్పాటు చేయడం జరిగిందని దీనికి రాష్ట్ర ముఖ్యమంత్రి నారా చంద్రబాబు నాయుడు, ఉప ముఖ్యమంత్రివర్యులు పవన్ కళ్యాణ్, విద్యాశాఖ మంత్రివర్యులు నారా లోకేష్, స్పోర్ట్స్ మినిస్టర్ రాంప్రసాద్ రెడ్డి, కల్చరల్ మినిస్టర్ దుర్గేష్, ఆర్థిక శాఖ మంత్రి పయ్యావుల కేశవులు సహకారంతోనే ఈ కార్యక్రమాలు ఇంత ఘనంగా నిర్వహించగలిగామని దాదాపు 70 శాతం శాసనసభ్యులు శాసన మండల సభ్యులు ఈ కార్యక్రమాల్లో భాగస్వాములు అయ్యారని శాప్ చైర్మన్ రవి నాయుడు తెలిపారు. అదేవిధంగా స్పోర్ట్స్ డిపార్ట్మెంట్, మున్సిపల్ శాఖ, కల్చరల్ డిపార్ట్మెంట్, సమన్వయంతో ఎవరు ఊహించిన రీతిలో ఈ కార్యక్రమాలు నిర్వహించగలిగామని ఆయన అన్నారు. ఈ సందర్భంగా స్పోర్ట్స్ శాఖకు సంబంధించి విజయవంతంలో కష్టపడిన గ్రౌండ్ మెన్ నుండి అడ్మినిస్ట్రేషన్ ఆఫీసర్ వరకు అందరికీ కృతజ్ఞతలు తెలియజేసిన శాప్ చైర్మన్ రవి నాయుడు… ఈ ప్రజలకు చేరవేయడంలో మీడియా పాత్ర ఎనలేదని రవి నాయుడు తెలిపారు.