అన్నక్యాంటీన్లలో నోడల్ అధికారులు ప్రతి రోజు పరిశీలించాలి…

గుంటూరు, నేటి పత్రిక ప్రజావార్త :
అన్నక్యాంటీన్లలో నోడల్ అధికారులు ప్రతి రోజు పరిశీలించాలని నగర కమిషనర్ పులి శ్రీనివాసులు ఐఏఎస్ ఆదేశించారు. శనివారం మిర్చి యార్డ్ వద్ద గల అన్న క్యాంటీన్ ని పరిశీలించి ఆహారం తీసుకుంటున్నవారితో మాట్లాడి సిబ్బందికి తగు ఆదేశాలు జారీ చేశారు. ఈ సందర్భంగా కమిషనర్ మాట్లాడుతూ, అన్న క్యాంటీన్లలో మౌలిక వసతుల కల్పన కీలకమని, ప్రతి క్యాంటీన్ లో త్రాగునీరు, హ్యాండ్ వాష్ కి నీరు అందుబాటులో ఉంచేలా నోడల్ అధికారులు పర్యవేక్షణ చేయాలని ఆదేశించారు. క్యాంటీన్లలో ఏమైనా మరమత్తులు ఉంటే ఇంజినీరింగ్ అధికారులతో సమన్వయం చేసుకోవాలన్నారు.