గంబుషియా చేపల ద్వారా దోమల నిర్మూలన

విజయవాడ, నేటి పత్రిక ప్రజావార్త :
గంబుషియా చేపల ద్వారా దోమల నిర్మూలనకు చర్యలు చేపట్టారు విజయవాడ నగరపాలక సంస్థ వి. కామేశ్వరరావు. మంగళవారం ఉదయం కొత్త రాజరాజేశ్వరి పేటలో నివాస ప్రదేశాలలో మధ్య పేరుకుపోయిన నీటి నిల్వలలో గంబుషియా చేపలను విడుదల చేశారు. ఈ సందర్భంగా బయాలజిస్ట్ కామేశ్వరరావు మాట్లాడుతూ నగరంలో దోమల నిర్మూలనకు యాంటీ లార్వా ఆపరేషన్లు చేపడుతున్నారని, దోమలు పెరగకుండా ఉండేందుకు ఎంఎల్ ఆయిల్ ను కాలువల్లో స్ప్రే చేస్తున్నారని, ప్రతిరోజు ఫాగింగ్ చేపడుతున్నారని అన్నారు. ఈ పర్యటనలో మలేరియా శానిటరీ ఇన్స్పెక్టర్లు, సిబ్బంది పాల్గొన్నారు.