Prajavartha Online Telugu News
విజయవాడ, నేటి పత్రిక ప్రజావార్త :
ప్రపంచ AIDS దినోత్సవాన్ని పురస్కరించుకొని జగ్గయ్యపేట ప్రభుత్వ హాస్పిటల్, JRC కాలేజ్ విద్యార్థుల సౌజన్యంతో ప్రత్యేక అవగాహనా కార్యక్రమం ఘనంగా జరిగింది. ఈ కార్యక్రమంలో మాజీ మంత్రి, కేడీసీసీ బ్యాంక్ చైర్మన్ నెట్టెం రఘు రామ్ పాల్గొని AIDS నివారణలో అవగాహన యొక్క ప్రాధాన్యతను గుర్తుచేశారు. వైద్య అధికారులు HIV/AIDS పై ఉన్న అపోహలు, భయాలు, మరియు వాస్తవాలను విశదీకరిస్తూ సురక్షిత జీవన శైలి, నియమిత పరీక్షలు, సరైన చికిత్స యొక్క ప్రాముఖ్యతపై ప్రజలకు సమగ్ర సమాచారం అందించారు. ఈ కార్యక్రమంలో తాళ్లూరు వెంకటేశ్వర్లు కానూరు కిషోర్ సుధాకర్ JRC కళాశాల అధ్యాపకులు, విద్యార్థులు, ఆరోగ్య సిబ్బంది పెద్ద సంఖ్యలో పాల్గొని కార్యక్రమాన్ని విజయవంతం చేశారు.
