అగ్ని ప్రమాద బాధితులకు ఎమ్మెల్యే మల్లాది విష్ణు పరామర్శ

విజయవాడ, నేటి పత్రిక ప్రజావార్త :
విజయవాడ నగరం 28 వ డివిజన్ లక్ష్మినగర్ లోని ఓ ఇంట్లో శనివారం మధ్యాహ్నం షార్ట్ సర్క్యూట్ కారణంగా అగ్ని ప్రమాదం సంభవించింది. ఘటన స్థలాన్ని ఎమ్మెల్యే మల్లాది విష్ణు పరిశీలించారు, ప్రమాదానికి గల కారణాలను బాధితులను అడిగి తెలుసుకున్నారు. టీవీ, ఏసీ, లాప్టాప్, సోఫా సెట్ సహా పలు విలువైన సామాగ్రి ప్రమాదంలో కాలిపోయినట్లు.. సుమారు రూ. 2.5 లక్షల నష్టం వాటిల్లినట్లు భాదితులు ఎమ్మెల్యేకి వివరించారు. బాధితులను అన్ని విధాలా ఆదుకుంటామని ఈ సందర్భంగా మల్లాది విష్ణు హామీనిచ్చారు. ఎమ్మెల్యే వెంట దాసాంజనేయ స్వామి ఆలయ చైర్మన్ కనపర్తి కొండలరావు తదితరులు ఉన్నారు.