సింగల్ యూజ్ ప్లాస్టిక్ నిషేదంలో స్వచ్చందంగా భాగస్వామ్యులు కావాలి…

-అదనపు కమిషనర్ (ప్రాజెక్ట్స్) కె.వి సత్యవతి

విజయవాడ, నేటి పత్రిక ప్రజావార్త :
ప్లాస్టిక్ ఉత్పత్తుల వాడకం వల్ల కలిగే దుష్ప్రభావాలపై ప్రజలకు అవగాహన కల్పిస్తూ సింగిల్ యూజ్ ప్లాస్టిక్ బ్యాన్‌పై స్పెషల్ డ్రైవ్ నిర్వహించి, వాటిని ఉల్లంఘించిన వారిపై జరిమానాలు విధించారు. అదే విధంగా సింగిల్‌ యూజ్‌ ప్లాస్టిక్‌ నియంత్రణపై కేంద్ర మరియు రాష్ట్ర ప్రభుత్వం వారి ఆదేశాలను అమలుచేయవలసిన భాద్యత మనందరిపై ఉందని అన్నారు. నగరంలో 90℅ ప్లాస్టిక్ నిషేధానికి గురైన 600 ప్రదేశాల్లో సింగిల్ యూజ్ ప్లాస్టిక్ కవర్‌లను ఉపయోగిస్తున్నట్లు గుర్తించినందున మొదటి రోజు ఈ ప్రత్యేక డ్రైవ్ నిర్వహించి అదనపు కమిషనర్ (ప్రాజెక్ట్స్)  కె.వి సత్యవతి, సౌమ్య, సెంట్రల్ పొల్యూషన్ కంట్రోల్ బోర్డు తో పాటు VMC అధికారులు మరియు ఎన్‌ఫోర్స్మెంట్ బృందాలు నగరంలోని రాజీవ్ గాంధీ పార్క్ ప్రాంతం, పూల మార్కెట్ మరియు వివిధ వాణిజ్య ప్రాంతాలను సందర్శించారు. “విద్యా సంస్థలు మరియు పారిశ్రామిక ప్రాంతాలను కవర్ చేసే నగరంలోని వివిధ ప్రాంతాలలో నాలుగు రోజుల పాటు డ్రైవ్ కొనసాగుతుంది” అని అదనపు కమిషనర్ (ప్రాజెక్ట్స్)  కె.వి సత్యవతి చెప్పారు.