విద్యుత్ రంగంలో ఏపీను నెంబర్ వన్ గా నిలపడమే ప్రభుత్వ లక్ష్యం

-ప్రజల సంక్షేమానికి అవసరమైన ఇంధన భద్రతను సాధించడం పై విద్యుత్ సంస్థల ప్రధాన దృష్టి
-రాష్ట్ర సమగ్ర ఆర్థికాభివృద్ధికి ఇంధన భద్రత తక్షణ అవసరం — ఇంధన శాఖ మంత్రి పెద్దిరెడ్డి రామచంద్రారెడ్డి
-వినియోగదారులకు ప్రపంచ ప్రమాణాలతో 24/7 నాణ్యమైన విద్యుత్ను అందుబాటులోకి తీసుకురావడమే ప్రభుత్వ ప్రధాన లక్ష్యం
-రాష్ట్రంలో 2021–2022లో 60,945 ఎంయూగా ఉన్న వార్షిక ఇంధన వినియోగం, 2022–2023 నాటికి 64,523 ఎంయూకి పెరుగుతుందని అంచనా
-మార్చి 2023 నాటికి సగటు డిమాండ్ రోజుకు 250 ఎంయూకి పెరుగుతుందని అంచనా
-భవిష్యత్తులో ఇంధన డిమాండ్ను అందుకునేందుకు రాష్ట్ర ప్రభుత్వం నిర్మాణాత్మక చర్యలు చేపడుతోంది
-పునరుత్పాదక ఇంధన ఉత్పత్తి సామర్థ్యాన్ని పెంచడంపై ప్రభుత్వం ప్రత్యేక దృష్టి సారిస్తోంది
-మౌలిక సదుపాయాల అభివృద్ధికి, ఉపాధి కల్పనకు , ప్రజల జీవన ప్రమాణాలను మెరుగుపరచడానికి 24×7 నాణ్యమైన విద్యుత్ సహాయపడుతుంది
-రాష్ట్ర సుస్థిర అభివృద్ధికి విద్యుత్ రంగాన్ని శక్తివంతం చేయడమే రాష్ట్ర ప్రభుత్వ అంతిమ లక్ష్యం

విజయవాడ, నేటి పత్రిక ప్రజావార్త :
కొత్త సంవత్సరం (2023)లో ముఖ్యమంత్రి వైయస్ జగన్ మోహన్ రెడ్డి ప్రభుత్వ ఆధ్వర్యంలోని విద్యుత్ సంస్థలు ‘ప్రజల సంక్షేమానికి అవసరమైన ఇంధన భద్రతను సాధించడంపై ప్రధాన దృష్టి పెడుతున్నాయి. విద్యుత్ రంగం సుస్థిరతను సాధించేందుకు డిస్కంలను ఆధునీకరించడానికి ప్రభుత్వం ప్రణాళికలు రూపొందించింది. రాష్ట్ర సమగ్ర ఆర్థికాభివృద్ధికి ఇంధన భద్రత తక్షణ అవసరమని రాష్ట్ర ఇంధన శాఖ మంత్రి పెద్దిరెడ్డి రామచంద్రారెడ్డి అన్నారు.

రైతులకు 9 గంటల నాణ్యమైన విద్యుత్ను అందించడంతోపాటు, వినియోగదారులకు ప్రపంచ ప్రమాణాలతో 24/7 నాణ్యమైన విద్యుత్ను పూర్తిస్థాయిలో అందుబాటులోకి తీసుకురావడమే ప్రభుత్వ ప్రధాన లక్ష్యం అని ఆయన పేర్కొన్నారు. రాష్ర్ట విద్యుత్ సంస్థలతో ఆయన టెలీకాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ, రానున్న కాలంలో విద్యుత్ డిమాండ్ మరింతగా పెరగనుందన్నారు. అత్యంత వేగంగా పెరుగుతున్న పారిశ్రామికీకరణ, ఆర్థిక కార్యకలాపాల నేపథ్యంలో విద్యుత్ డిమాండ్ పెరగనుందని తెలిపారు.

రాష్ట్రంలో 2021–2022లో 60,945 ఎంయూగా ఉన్న వార్షిక ఇంధన వినియోగం, 2022–2023 నాటికి 64,523 ఎంయూకి పెరుగుతుందని అంచనా వేయడం జరిగిందన్నారు. అంటే ఇది 5.8 శాతం పెరుగుదలగా నమోదైందని తెలిపారు. ఎందుకంటే రాష్ట్ర వృద్ధి విద్యుత్ రంగంతో ముడిపడి ఉందని పేర్కొన్నారు. అదనంగా, మార్చి 2022లో సగటు విద్యుత్ వినియోగం రోజుకు 220 ఎంయూగా ఉందన్నారు. మార్చి 2023 నాటికి సగటు డిమాండ్ రోజుకు 250 ఎంయూకి పెరుగుతుందని అంచనా వేయడం జరిగిందన్నారు. ఇది మార్చి 2022 నుండి దాదాపు 13.6 శాతం పెరుగుదలగా ఉందన్నారు. భారతదేశం యొక్క 20వ ఎలక్ట్రిక్ పవర్ సర్వే ఫలితాల ప్రకారం, 2031-2032 నాటికి దేశం యొక్క ఇంధన వినియోగం 100 శాతం పెరుగుతుందని మరియు 2021-2022 నుండి 1,21,978 మిలియన్ యూనిట్లకు రెండింతలు పెరుగుతుందని అంచనా వేయబడిందన్నారు.

విద్యుత్తు పెంపుపైనే రాష్ట్ర భవిష్యత్తు ఆధారపడి ఉందని చెప్పారు. ప్రధాన సామాజిక డిమాండ్లను నెరవేర్చడానికి, ఆర్థిక విస్తరణను మరియు మానవ అభివృద్ధిని ప్రోత్సహించడానికి విద్యుత్ సేవలను అందించడం చాలా అవసరమన్నారు. దీన్ని బట్టి, వినియోగదారులకు నిరంతరాయంగా, నాణ్యమైన విద్యుత్ను అందించడానికి రాష్ట్ర ప్రభుత్వం ప్రత్యేకించి కట్టుబడి ఉందని మంత్రి పేర్కొన్నారు.

భవిష్యత్ ఇంధన డిమాండ్ను తీర్చడంలో భాగంగా, థర్మల్ విద్యుత్ ఉత్పత్తి వనరుల ద్వారా రాష్ట్రంలో విద్యుత్ ఉత్పత్తి స్థాపన సామర్థ్యాన్ని పెంచడానికి రాష్ట్ర ప్రభుత్వం నిర్మాణాత్మక చర్యలు చేపట్టిందన్నారు. అయితే, భవిష్యత్ అవసరాల డిమాండ్ను తీర్చడమే కాకుండా, ఇంధన రంగంలో ఉన్న వనరులను సరైన రీతిలో వినియోగించుకోవడం కూడా చాలా ముఖ్యమైనదని చెప్పారు. దీనిని దృష్టిలో ఉంచుకుని, రాష్ట్ర విద్యుత్ ఉత్పత్తి సామర్థ్యాన్ని పెంచడంలో సహాయపడే పునరుత్పాదక ఇంధన ఉత్పత్తి సామర్థ్యాన్ని పెంచేందుకు ప్రభుత్వం ప్రత్యేక ప్రాధాన్యతనిస్తుందని మంత్రి చెప్పారు. దీనిద్వారా చౌకైన, నాణ్యమై విద్యుత్తు తయారవుతుందన్నారు. దీనిద్వారా రాష్ట్రంలోని చివరి వినియోగదారుడివరకూ తక్కువ ఖర్చుతో కూడిన విద్యుత్ను అందించాలనే రాష్ట్ర ప్రభుత్వ లక్ష్యాన్ని నెరవేరుస్తుందని తెలిపారు.

విద్యుత్ రంగాన్ని బలోపేతం చేసేందుకు విండ్, సోలార్, హైబ్రిడ్ ప్రాజెక్టులను స్థాపించేందుకు ప్రభుత్వం ఇప్పటికే పునరుత్పాదక ఇంధన ఎగుమతి విధానం 2020ని ప్రకటించిందని చెప్పారు. ఇది కాకుండా 33 గిగావాట్ల సామర్థ్యంతో పంప్డ్ హైడ్రో స్టోరేజీ ప్రాజెక్ట్లను (పీఎస్పీ) నది మరియు నది ప్రాంతాలలో ప్లాన్ చేశామన్నారు. ఈ ప్రాజెక్టులు పూర్తయితే విద్యుత్ రంగంలో ఏపీ నెంబర్ వన్గా నిలవడంతో పాటు మిగులు విద్యుత్ ను ఇతర రాష్ట్రాలకు ఎగుమతి చేయగలదని వెల్లడించారు. 24 గంటలూ నాణ్యమైన విద్యుత్తు అందుబాటులో ఉండటం వల్ల ప్రధానంగా పారిశ్రామిక వినియోగదారులలో భరోసా ఏర్పడుతుందన్నారు. ఇది రాష్ట్రంలో పెట్టుబడులను పెంచేందుకు దోహదపడుతుందని తెలిపారు. 24/7 నాణ్యత మరియు తక్కువ ఖర్చుతో కూడిన విద్యుత్ లభ్యత రాష్ట్ర పారిశ్రామిక మరియు ఆర్థిక అభివృద్ధిని ప్రోత్సహిస్తుందని వివరించారు. మౌలిక సదుపాయాల అభివృద్ధికి, ఉపాధి కల్పనకు మరియు ప్రజల జీవన ప్రమాణాల పెంపునకు కూడా ఇది ఎంతగానో దోహదపడుతుందని మంత్రి చెప్పారు.

వినియోగదారులకు నమ్మకమైన విద్యుత్ను అందించడంలో ముఖ్యమంత్రి వైఎస్ జగన్మోహన్రెడ్డి ఎంతో శ్రద్ధ చూపుతున్నారన్నారు. విద్యుత్ రంగాన్ని ప్రజా అనుకూల మరియు వినియోగదారుల కేంద్రంగా మార్చడానికి ప్రభుత్వం గట్టిగా కట్టుబడి ఉందని తెలిపారు. రాష్ట్ర సుస్థిర అభివృద్ధికి విద్యుత్ రంగాన్ని శక్తివంతంగా మార్చడం మరియు భవిష్యత్తులో రాష్ట్రంలోని ప్రతి విద్యుత్ వినియోగదారునికి 24/7 నమ్మకమైన విద్యుత్ను అందించడమే రాష్ట్ర ప్రభుత్వ అంతిమ లక్ష్యమని మంత్రి చెప్పారు.

రాష్ట్ర ప్రభుత్వం ఇప్పటికే తన స్థాపిత ఇంధన సామర్థ్యంలో 42 శాతం పునరుత్పాదక ఇంధన వనరుల ద్వారా సాధించిందని ఇంధన శాఖ ప్రత్యేక ప్రధాన కార్యదర్శి కె విజయానంద్ మంత్రికి వివరించారు. ఆంధ్రప్రదేశ్ ప్రభుత్వం ఇటీవల 6,500 మెగావాట్ల సోలార్, 2,050 మెగావాట్ల పవన, 10,980 మెగావాట్ల పంప్డ్ స్టోరేజీ హైడ్రో పవర్ ప్రాజెక్టులను ప్రైవేట్ డెవలపర్లకు కేటాయించిందని ప్రత్యేక సీఎస్ తెలిపారు.

విద్యుత్ రంగానికి రాష్ట్ర ప్రభుత్వం చేస్తున్న ప్రోత్సాహం నిస్సందేహంగా విద్యుత్ రంగంలో రాష్ట్రం దేశంలోనే ప్రథమ స్థానంలో నిలిచేందుకు ఉత్ప్రేరకంగా నిలుస్తుందని మంత్రి ఆనందం వ్యక్తంచేశారు. దీని వల్ల ఆంధ్రప్రదేశ్కు ఉజ్వల భవిష్యత్తు ఉంటుందని ఆశాభావం వ్యక్తంచేశారు. ఆంధ్రప్రదేశ్ రాష్ట్ర ఇంధన పరిరక్షణ మిషన్ (ఏపీఎస్ఈసీఎం), ఆంధ్రప్రదేశ్ ట్రాన్స్మిషన్ కార్పొరేషన్ (ఏపీ ట్రాన్స్కో), నూతన మరియు రెన్యూవబుల్ ఎనర్జీ డెవలప్మెంట్ కార్పొరేషన్ (నెడ్క్యాప్) ఉత్తమ పనితీరుకు గుర్తింపు మరియు జాతీయ స్థాయిలో వివిధ ప్రతిష్టాత్మక అవార్డులను అందుకోవడంలో రాష్ట్ర ప్రభుత్వం ప్రశంసించిందని మంత్రి తెలిపారు. వినియోగదారుల సంతృప్తిని, రాష్ట్ర ప్రభుత్వ అంచనాలను చేరుకోవడానికి విద్యుత్తు సంస్థలు కృషి చేయాలని కోరారు. గత మూడేళ్లలో డిస్కమ్లను ఆదుకునేందుకు ప్రభుత్వం దాదాపు రూ.48,882 కోట్ల ఆర్థిక సహాయం అందించిందని, విద్యుత్తు వినియోగాలను బలోపేతం చేయడంలో రాష్ట్ర ప్రభుత్వ నిబద్ధతను ఇది తెలియజేస్తోందని మంత్రి అన్నారు.

విద్యుత్ రంగాన్ని బలోపేతం చేయడం, ఇంధన భద్రతను సాధించడం మరియు సరసమైన విద్యుత్ను అందించడం వంటి ప్రయత్నాల్లో భాగంగా రాష్ట్ర ప్రభుత్వం కూడా ఇంధన సామర్థ్యానికి పెద్దపీట వేస్తోందని వివరించారు.

వినియోగదారులకు నాణ్యమైన మరియు నిరంతరాయంగా విద్యుత్ సరఫరా చేయడం కోసం రాష్ట్ర విద్యుత్ సంస్థల ఉద్యోగులు చేస్తున్న కృషిని ఇంధన మంత్రి అభినందించారు. విద్యుత్ రంగ ఉద్యోగులకు ప్రభుత్వం నుండి మద్దతు ఉంటుందని హామీ ఇచ్చారు. వినియోగదారులకు మరియు విద్యుత్ రంగ ఉద్యోగులందరికీ ఆయన 2023 నూతన సంవత్సర శుభాకాంక్షలు తెలియజేశారు.

స్పెషల్ చీఫ్ సెక్రటరీ కె విజయానంద్, ట్రాన్స్కో సీఎండీ బి శ్రీధర్, హెచ్ఆర్డి అండ్ అడ్మిన్ జేఎండీ ఐ ప్రుద్వితేజ్, డిస్కమ్ల సిఎండిలు జె పద్మ జనార్దన రెడ్డి, కె సంతోషరావు కూడా తమ శుభాకాంక్షలు తెలియజేసారు.