9 వ తేదీ నుండి మేరీమాత ఉత్సవాలు

విజయవాడ, నేటి పత్రిక ప్రజావార్త :
దక్షిణ భారతదేశంలో ప్రాధాన్యత సంతరించుకున్న గుణదల మేరీ మాత మహోత్సవములు ఫిబ్రవరి 9, 10, 11వ తేదీలలో జరగనున్నట్లు విజయవాడ పీఠాధిపతులు తెలుగుతోటి జోసెఫ్ రాజారావు తెలియజేశారు. 9వ తేదీన ప్రారంభమయ్యే ఈ మహోత్సవంలో భాగంగా ప్రతి రోజు ఉదయం ఏడు గంటలకు సమిష్టి దివ్యబలి పూజ తో కార్యక్రమాలు ప్రారంభమవుతాయని చెప్పారు. తెలుగు రాష్ట్రాలు మరియు వివిధ రాష్ట్రాల నుండి కూడా ఈ కార్యక్రమానికి భక్తులు విశేషంగా పాల్గొంటారని తెలియజేశారు. ఇతర రాష్ట్రాల నుండి వచ్చే భక్తులకు తగిన ఏర్పాట్లు పూర్తి చేసినట్లు పేర్కొన్నారు. గుణదల కొండ ప్రాంతాన్ని , మేరీ మాత పుణ్య క్షేత్రాన్ని విద్యుత్ దీపాలతో సర్వాంగ సుందరంగా అలంకరించారు. ముందుగా శ్రీ మాత మహోత్సవాలకు సంబంధించిన పోస్టర్ను ఆవిష్కరించారు. ఈ కార్యక్రమంలో గాబ్రియేల్, ఏలేటి విలియం జయరాజు, మువ్వల ప్రసాదు, కొలకాని మరియన్న, తోట సునీల్ రాజు తదితర గురువులు పాల్గొన్నారు.