మిషన్ లైఫ్…

విజయవాడ, నేటి పత్రిక ప్రజావార్త :
ఆంధ్రప్రదేశ్ పొల్యూషన్ కంట్రోల్ బోర్డ్ రీజినల్ ఆఫీస్ విజయవాడ వారి ఆధ్వర్యంలో రైల్వే హాస్పిటల్ వారితో సంయుక్తంగా మిషన్ లైఫ్ అనే ప్రోగ్రాంని రైల్వే మినిస్టేడియంలో నిర్వహించారు. APPCB ఎన్విరాన్మెంటల్ ఇంజినీర్ టి. ప్రసాద రావు గారు మాట్లాడుతూ మిషన్ లైఫ్ బ్యానర్ కింద ప్రజలలో “సేవ్ ఎనర్జీ & కన్జర్వ్ వాటర్” అనే అంశాలపై అవగాహన కల్పించి పర్యావరణ అనుకూలమైన పద్ధతులను ఎంచుకోవాలని ప్రజలకి, ప్రభుత్వ మరియు ప్రైవేట్ కార్యాలయ ఉద్యోగులను కోరడం జరిగింది. పేపర్ వాడుకను వీలైనంత తగ్గించుకోవాలని, కార్యాలయాల్లో ఇ-ఆఫీస్ వినియోగించాలని, సోలార్ ప్యానెల్ విస్తరణ మరియుLED బల్బుల ద్వారా విద్యుత్ వినియోగాన్ని తగ్గించవచ్చు అని పిలుపునిచ్చారు. మిషన్ లైఫ్ లోగో కింద నీటిని రీసైకిల్ చేయడానికి వాటర్ ట్రీట్‌మెంట్ ప్లాంట్లు, (మురుగునీటి శుద్ధి ప్లాంట్ల) ఏర్పాటు చేసుకోవాలని అన్నారు. ప్రజల్లో అవగాహన తీసుకు రావడమే ఈ మిషన్ లైఫ్ కార్యక్రమం యొక్క ముఖ్య ఉద్దేశ్యం అని అన్నారు. అలాగే ఈ కార్యక్రమాన్ని జూన్ 5వ తేదీ ప్రపంచ పర్యావరణ దినోత్సవం వరకు కొనసాగుతుందని చెప్పారు. అనంతరం రైల్వే హాస్పిటల్ అడిషనల్ చీఫ్ మెడికల్ సూపరింటెండెంట్ Dr. L. రవికాంత్  ఆధ్వర్యంలో అందరితో ప్రతిజ్ఞ చేయించారు, తదనంతరం రైల్వే మినీ స్టేడియం నుండి గవర్నమెంట్ హాస్పిటల్ మీదిగా రైల్వే హాస్పిటల్ న్యూ OPD వరకు విజయవాడ స్కౌట్స్ వారూ, రైల్వే సిబ్బంది, APPCB సిబ్బంది సైకిల్ ర్యాలీ నిర్వహించటం జరిగింది. అలాగే పర్యావరణం పై డ్రాయింగ్ వేసిన వారికి ప్రథమ, ద్వితీయ బహుమతులను Dr రవికాంత్ గారి చేతులుమీదిగా ఇచ్చి అందరినీ అభినందించడం జరిగింది. ఈ కార్యక్రమంలో రైల్వే కాలనీ చీఫ్ హెల్త్ ఇన్స్పెక్టర్ వి.వాసుదేవ రావు మరియు ఆంధ్రప్రదేశ్ పొల్యూషన్ కంట్రోల్ బోర్డ్ సిబ్బంది , విజయవాడ స్కౌట్స్ వారు పాల్గొన్నారు.

ఈ అవగాహన ప్రచారానికి భారత్ స్కౌట్స్ & గైడ్స్, APPCB అధికారులు మరియు రైల్వే హాస్పిటల్ సిబ్బంది కృషిని విజయవాడలోని రైల్వే హాస్పిటల్ చీఫ్ మెడికల్ సూపరింటెండెంట్ డాక్టర్ M. సౌరి బాల అభినందించారు. పర్యావరణం & పర్యావరణ వ్యవస్థను పరిరక్షించేందుకు ప్రజలు ముందుకు రావాలని, రోజువారీ జీవితంలో అవసరమైన మార్పులు చేసుకోవాలని CMS విజ్ఞప్తి చేసింది. అందుబాటులో ఉన్న శక్తి, నీరు మరియు అందుబాటులో ఉన్న ఇతర వనరులను బుద్ధిపూర్వకంగా మరియు తెలివిగా ఉపయోగించడాన్ని ప్రోత్సహించడానికి మరియు దానిని ఒక సాధారణ అలవాటుగా మార్చడానికి మిషన్ లైఫ్ ప్రచారాన్ని ప్రారంభించినట్లు కూడా ఆమె చెప్పారు