Prajavartha Online Telugu News
విజయవాడ, నేటి పత్రిక ప్రజావార్త :
రీసర్వే ప్రక్రియను వేగవంతం చేయాలని జిల్లా జాయింట్ కలెక్టర్ డా. పి సంపత్ కుమార్ అధికారులను ఆదేశించారు. వీరుల్లపాడు మండలం జయంతి గ్రామంలో జరుగుతున్న భూముల రీసర్వే పనులను మంగళవారం జాయింట్ కలెక్టర్ సంపత్ కుమార్ రెవెన్యూ, సర్వే అధికారులతో కలిసి పరిశీలించారు. రీసర్వేలో జరుగుతన్న గ్రౌండ్ ట్రూతింగ్ పనులను పరిశీలించి సర్వే అధికారులకు పలు సూచనలు చేశారు. సర్వే పనులను మరింత వేగవంతం చేయాలని నిర్థేశించిన గడువులోగా పూర్తి చేయాలని అధికారులను ఆదేశించారు. గ్రామ సర్వేయర్లకు ప్రాధమిక చికిత్సకు అవసరమైన ఫస్ట్ ఎయిడ్ కిట్లను జాయింట్ కలెక్టర్ సంపత్ కుమార్ అందజేశారు. పనుల పరిశీలనలో జాయింట్ కలెక్టర్ వెంట సర్వే లాండ్ రికార్డ్సు సహాయ సంచాలకులు కె. సూర్యారావు, వీరుల్లపాడు తహాశీల్థార్ ఆసయ్య నాయక్, విఆర్వోలు, గ్రామ సర్వేయర్లు ఉన్నారు.
