పాఠశాలల అభివృద్ధికి సరైన ప్రణాళిక వేయాలి

– సమగ్ర శిక్షా జాయింట్ డైరెక్టర్ (స్టేట్ ప్లానింగ్ కో ఆర్డినేటర్) సీహెచ్.వాసుదేవరావు 

విజయవాడ, నేటి పత్రిక ప్రజావార్త :
పాఠశాలల అభివృద్ధి కోసం క్షేత్రస్థాయిలో ప్రణాళిక వేసుకుని, నిధులు సద్వినియోగపరచుకోవాలని సమగ్రశిక్షా జాయింట్ డైరెక్టర్ (స్టేట్ ప్లానింగ్ కో ఆర్డినేటర్)  సీహెచ్.వాసుదేవరావు  అన్నారు. మంగళవారం విజయవాడలోని ఓ హోటల్లో వార్షిక పని ప్రణాళిక మరియు బడ్జెట్ (వర్క్ షాప్ ఆన్ యాన్యూల్ వర్క్ ప్లాన్ అండ్ బడ్జెట్) అంశంపై మూడు రోజులు కార్యశాల ప్రారంభమైంది. ఈ సందర్భంగా జాయింట్ డైరెక్టర్ (స్టేట్ ప్లానింగ్ కో ఆర్డినేటర్) సీహెచ్.వాసుదేవరావు మాట్లాడుతూ… పాఠశాలలైనా, విద్యార్థులైనా బాగుపడాలంటే క్షేత్రస్థాయి నుంచి చక్కని ప్రణాళిక వేసుకోవాలని, అప్పుడే విద్యావ్యవస్థ లక్ష్యాలను అందుకోగలమని అన్నారు. వార్షిక ప్రణాళిక, నిధులు సద్వినియోగం సక్రమంగా వినియోగించుకోవాలన్నారు. ఈ కార్యశాల ద్వారా నేర్చుకున్న విషయాలను జిల్లా, మండలస్థాయిలో కూడా అవగాహన పరచాలని కోరారు. దీనికోసం అవసరమైన శిక్షణా కరదీపికలను రూపొందించాలని అధికారులను ఆదేశించారు. ఈ కార్యశాలలో కైవల్య సంస్థ ప్రతినిధి రవికృష్ణ, పాఠశాల విద్యాశాఖ, సమగ్ర శిక్షా, ఎస్సీఈఆర్టీ సిబ్బంది, డైట్ ప్రిన్సిపాళ్లు, జిల్లా వ్రత్తి విద్యాశాఖాధికారులు, జీసీడీవోలు, పాఠశాల ప్రధానోపాధ్యాయలు, కేజీబీవీ ఎస్ఓలు, నేషనల్ ప్లానింగ్ కో ఆర్డినేటర్లు, ఏఎస్ఓలు తదితరులు పాల్గొన్నారు.