రాజనీతిజ్ఞుడు, మాజీ రాష్ట్రపతి నీలం సంజీవరెడ్డికి ఘన నివాళి

-నేషనలిస్ట్‌ కాంగ్రెస్‌ పార్టీ మైనార్టీ విభాగం నేషనల్‌ వైస్‌ చైర్మన్‌ జమీల్‌ అహ్మద్‌ బేగ్‌

గుంటూరు, నేటి పత్రిక ప్రజావార్త :
గుంటూరులోని పండరీపురంలో మాజీ రాష్ట్రపతి నీలం సంజీవరెడ్డి వర్ధంతిని నిర్వహించారు. నేషనలిస్టు కాంగ్రెస్‌ పార్టీ మైనార్టీ విభాగం నేషనల్‌ వైస్‌ చైర్మన్‌ జమీల్‌ అహ్మద్‌ బేగ్‌ నీలం సంజీవరెడ్డి చిత్రపటానికి పూలమాల వేసి ఘనంగా నివాళి అర్పించారు. ఈ సందర్భంగా ఆయన మాట్లాడుతూ నీలం సంజీవరెడ్డి అనంతపురంలోని ప్రభుత్వ ఆర్ట్స్‌ కళాశాలలో చదువుతుండగా మహాత్మాగాంధీ పర్యటించడంతో ఆయన జీవన విధానం మారిపోయింది. సంజీవరెడ్డిపై అపార ముద్రవేసింది. ఫలితంగా సంజీవరెడ్డి తన చదువును మద్యలోనే మానివేశాడు మరియు ఖాదీ దుస్తులు ధరించడానికి తన అంతర్జాతీయ దస్తులను ఇచ్చాడు. మధ్యప్రదేశ్‌లోని అమరాతి జైలులో ఉన్న సమయంలో ఆయన ప్రకాశం, సత్యమూర్తి, కామరాజ్‌, గిరిలతోపాటు- అనేకమందిని కలిశాడు. 1946లో మద్రాస్‌ కాంగ్రెస్‌ లెజిస్టేచర్‌ పార్టీ మరియు 1947లో కార్యదర్శిగా నియమితులయ్యారు. 1956లో ప్రభుత్వం ఆంధ్రప్రదేశ్‌లో కొత్త రాష్ట్రాన్న్రి ప్రకటించినప్పుడు, అదే సంవత్సరం అక్టోబర్‌ నెలలో రెడ్డి మొదటి ముఖ్యమంత్రిగా నియమితులయ్యారు. ఈ సందర్భంగా నీలం సంజీవరెడ్డి సేవలను జమీల్‌ అహ్మద్‌బేగ్‌ కొనియాడారు. ఈ కార్యక్రమంలో దుర్గ, నరేష్‌కుమార్‌, అంకారావు, ఆష్రిత్‌లు పాల్గొన్నారు.