పూల మొక్కలతో నగర అందాలు

-సింగ్ నగర్ సెంట్రల్ డివైడర్… అందాల పూలహారం

విజయవాడ, నేటి పత్రిక ప్రజావార్త :
విజయవాడ నగరపాలక సంస్థ కమిషనర్ స్వప్నిల్ దినకర్ పుండ్కర్ ఆదేశాల మేరకు కొత్తగా నిర్మించిన సింగ్ నగర్ సెంట్రల్ డివైడర్ నందు పైపుల్ రోడ్డు నుండి కండ్రిక వరకు మంగళవారం ఉదయం అసిస్టెంట్ డైరెక్టర్ హార్టికల్చర్ శ్రీనివాసులు ఆధ్వర్యంలో పూల మొక్కలను నాటారు. పచ్చదనంతో, పువ్వుల అందాలతో నగరం అందంగా కనపడాలనే ఉద్దేశంతో బోగన్ విలియలో నాలుగు రకాల మొక్కలతో సెంట్రల్ డివైడర్ కళకళలాడుతోంది.

ఈ సందర్భంగా విజయవాడ నగరపాలక సంస్థ కమిషనర్ స్వప్నిల్ దినకర్ పుండ్కర్ మాట్లాడుతూ నగరం పచ్చదనం, కాలుష్య రహితంగా ఉండాలని ఉద్దేశంతో 14 లక్షల వ్యయం తో , 540 చదనపు మీటర్లలో బోగన్విలియా తిమా రకంలో 1600 మొక్కలు, ఎల్లో పూల రకం 1600 మొక్కలు, తెల్ల పూలరకం 1100 మొక్కలు, ఫాక్స్ టైల్ పామ్స్ 123 మొక్కలు నాటి నగరం మరింత అందంగా కనపడేందుకు ప్రజలు కాలుష్య రహిత వాతావరణం లో ఉండేందుకు నగరపాలక సంస్థ తన వంతు కృషి ఎల్లప్పుడూ చేస్తుందని అన్నారు.