ఐటీ వ్యవస్థ గురించి సమీక్ష…

విజయవాడ, నేటి పత్రిక ప్రజావార్త :
ఆలయం ఐటీ విభాగం వారితో ఆలయ ఈవో కె ఎస్ రామరావు శుక్రవారం సమావేశమై దేవస్థాన నందు ఐటీ వ్యవస్థ గురించి సమీక్షించారు. ఈ కార్యక్రమంలో ఆలయ ఐటీ విభాగం వారితో పాటుగా 9&9 సాఫ్ట్ వెర్ కంపెనీ ప్రతినిధి మరియు సంబంధిత విభాగముల వారు ఉన్నారు. ఈ సందర్బంగా ఈవో ఆలయం నందు ప్రస్తుత పరిస్థితులను సమీక్షించి, అమ్మవారిని భక్తులకు మరింత చేరువ చేయుటకు గాను ఆలయం నందు జరుగు ప్రతి సేవ కార్యక్రమములు భక్తులకు చేరేలాగా చూడాలన్నారు. భక్తులకు సాంస్కృతిక కార్యక్రమంలు, పరోక్ష సేవలపై మరింత అవగాహన కల్పించే విధముగా డిజిటల్ మార్కెటింగ్, తదితర చర్యలు తీసుకోవాలని తెలిపారు. pos మెషిన్లు త్వరిత గతిన పూర్తి స్థాయిలో ప్రవేశపెట్టి, భక్తులకు మరింత సులువుగా, ఆలస్యం లేకుండా సంబంధిత సేవలు అందించుటకు గాను చర్యలు తీసుకొనవలసినదిగా తెలిపారు.