తొలి రోజున ఇద్దరు అభ్యర్థులు రెండు నామినేషన్లు…

కొవ్వూరు, నేటి పత్రిక ప్రజావార్త :
కొవ్వూరు (ఎస్ సీ) అసెంబ్లీ నియోజక వర్గానికి తొలి రోజున ఇద్దరు అభ్యర్థులు రెండు నామినేషన్లు దాఖలు చెయ్యడం జరిగిందనీ కొవ్వూరు ఎస్సీ నియోజక వర్గ రిటర్నింగ్ అధికారి/ సబ్ కలెక్టర్ అశుతోష్ శ్రీవాత్సవ్ గురువారం ఒక ప్రకటనలో తెలియ చేశారు. వైఎస్సార్ సీపీ తరపున తలారి వెంకట్రావు సన్ ఆఫ్ ఏసుదాసు ఒక సెట్టు నామినషన్ పత్రాలు , వైయస్ఆర్ సీపీ తరపున తలారి పరం జ్యోతి వైఫ్ ఆఫ్ వెంకట్రావు ఒక సెట్టు నామినేషన్ పత్రాలు దాఖలు చెయ్యడం జరిగిందనీ తెలియ చేశారు. ఏప్రియల్ 25 వ తేదీ వరకు ప్రతి రోజు (ఏప్రియల్ 21 ఆదివారం మినహా) ఉదయం 11 గంటల నుంచి మ.3 వరకూ మాత్రమే నామినేషన్లు స్వీకరించటం జరుగుతుందని సబ్ కలెక్టర్ కొవ్వూరు నియోజకవర్గం రిటర్నింగ్ అధికారి అశుతోష్ శ్రీవాత్సవ్ తెలిపారు.