కౌంటింగ్ కేంద్రంలో గోప్యత, క్రమశిక్షణ కలిగి ఉండాలి

-కౌంటింగ్ కేంద్రంలోకి మొబైల్ ఫోన్లు అనుమతి లేదు
-నిర్దేశించిన డిపాజిట్ కేంద్రంలో మొబైల్స్ డిపొజిట్ చెయ్యడం కోసం ఏర్పాట్లు చేశాం
-గుర్తింపు కార్డులు, పత్రాలు జారీ చేసిన వారికీ మాత్రమే యూనివర్సిటీలోకి అనుమతి
-కౌంటింగ్ సిబ్బంది కి, కౌంటింగ్ ఏజెంట్స్ కోసం పార్కింగ్ స్థలంలో బస్సులు ఏర్పాటు
-కలెక్టర్, జిల్లా ఎన్నికల అధికారి డా.మాధవీలత

రాజమహేంద్రవరం, నేటి పత్రిక ప్రజావార్త :
నన్నయ్య యూనివర్సిటీలో జూన్ 4 వ తేదీన నిర్వహించే కౌంటింగ్ ప్రక్రియలో భాగంగా కౌంటింగ్ హాల్‌ లో విధులు నిర్వహించే కౌంటింగ్ సిబ్బందికి, కౌంటింగ్ ఏజెంట్స్ కు తగిన గుర్తింపు కార్డులు జారీ చేయనున్నట్లు జిల్లా కలెక్టర్ / జిల్లా ఎన్నికల అధికారి డా కె. మాధవీలత గురువారం ఒక ప్రకటనలో వెల్లడించారు.

కౌంటింగ్ హాల్‌లోకి నిర్దేశించిన వ్యక్తులను మాత్రమే యూనివర్శిటీ క్యాంపస్ లోకి అనుమతించనున్నట్లు తెలియ చేశారు. కౌంటింగ్ సిబ్బందికి, కౌంటింగ్ ఏజెంట్స్ కోసం పార్కింగ్ స్థలంలో బస్సులు ఏర్పాటు చేశామని, అక్కడికి చేరుకున్న తరువాత అక్కడ నుంచి జిల్లా ఎన్నికల అధికారి ఆధ్వర్యంలో ఏర్పాటు చేసిన బస్సులు ద్వారా నన్నయ్య యూనివర్సిటీకి తీసుకొని రావడం జరుగుతుందని అన్నారు. అక్కడ విధుల్లో ఉండే పోలీసులు, రెవిన్యూ అధికారులకి తగిన గుర్తింపు కార్డులు చూపించిన వారికి కేటాయించినా బస్సులో ప్రయాణం చేసే వెసులుబాటు కల్పించడం జరుగుతోందని తెలిపారు.

ఓట్ల లెక్కింపులో భాగంగా కౌంటింగ్ సూపర్‌వైజర్లు మరియు కౌంటింగ్ అసిస్టెంట్లు, మైక్రో అబ్జర్వర్లు లకీ ఆయా రిటర్నింగ్ అధికారులు ద్వారా కలర్ కోడ్ ఇస్తూ గుర్తింపు కార్డులు జారీ చేయనున్నట్లు తెలిపారు. అదే విధంగా ఎన్నికల కమిషన్ (ఈసిఐ) ద్వారా అధికారం పొందిన వ్యక్తులు, అధికార లేఖను కలిగి ఉన్న వారిని మరియు పరిశీలకులను అనుమతించడం జరుగుతుందన్నారు. ఆ మేరకు ఎన్నికలకు సంబంధించి విధుల్లో ఉన్న ప్రభుత్వ ఉద్యోగులు, అభ్యర్థులు, వారి ఎన్నికల ఏజెంట్లు, కౌంటింగ్ ఏజెంట్లు అనుమతిస్తామని పేర్కొన్నారు. కౌంటింగ్ ప్రారంభమయ్యే ముందు, కౌంటింగ్ హాల్‌లో మరెవరూ లేరని సంబంధిత నియోజక వర్గ రిటర్నింగ్ అధికారి నిర్ధారించుకోనున్నట్లు తెలిపారు.

కౌంటింగ్ సిబ్బంది అనుసరించాల్సిన మార్గదర్శకాలు : విధులు బాధ్యతలు

రిటర్నింగ్ అధికారి ద్వారా జారీ చేసిన గుర్తింపు కార్డు కలిగి ఉండాలి

కౌంటింగ్ కేంద్రంలోకి మొబైల్ ఫోన్లు, ఎటువంటి ఎలక్ట్రానిక్ గాడ్జెట్స్ అనుమతించడం జరుగదు.

కౌంటింగ్ సందర్భంలో గోప్యత పాటించడం, జవాబుదారీతనం కలిగి ఉండాలి

రిటర్నింగ్ అధికారి సూచనలు మేరకు కౌంటింగ్ ప్రక్రియ నిర్వర్తించాలి

మైక్రో అబ్జర్వర్స్, పరిశీలకుల సూచనలు పాటించాలి

గోప్యత నిర్వహణ కోసం ఓట్ల లెక్కింపు ప్రారంభానికి ముందు, రిటర్నింగ్ అధికారి R.P సెక్షన్ 128లోని నిబంధనలను చదివి వివరిస్తారు. చట్టం, 1951 మరియు రూల్ 54 ఎన్నికల నియమాలు 1961 యొక్క ప్రవర్తన, హాజరైన వారందరి సమాచారం కోసం మరియు వారి భాగస్వామ్యానికి సంబంధించిన గోప్యత నిర్వహణకు సంబంధించిన పూర్తి వివరాలు అందచేస్తారు.
కౌంటింగ్ హాల్ లోపల ఉన్న ప్రతి వ్యక్తి చట్టం ప్రకారం నిర్వర్తించాల్సిన విధులు బాధ్యతలు పై అవగాహన కల్పించడం జరుగుతుంది.

కౌంటింగ్ ఏజెంట్స్ విధులు, బాధ్యతలు…

ఎన్నికల నియమాలు 196l యొక్క ప్రవర్తన నియమావళిని అనుసరించి కౌంటింగ్ హాల్ లోపలకు కౌంటింగ్ ఏజెంట్లు అనుమతించడం జరుగుతుంది. ముందుగా ఆయా పార్టీలు, అభ్యర్దులు కోరిన వ్యక్తులను కౌంటింగ్ ఏజెంట్స్ గా నియమిస్తామన్నారు.

రిటర్నింగ్ అధికారి ముందు కౌంటింగ్ ఏజెంట్స్ తన అపాయింట్‌మెంట్ లెటర్ మరియు గుర్తింపు కార్డును సమర్పించిన తర్వాత, కౌంటింగ్ ఏజెంట్ తన అపాయింట్‌మెంట్ లెటర్‌లో ఉన్న డిక్లరేషన్‌పై రిటర్నింగ్ అధికారి ముందు సంతకం చేయాల్సి ఉంటుందని, సంబంధిత ఆర్వో లేఖ ధృవీకరణ తర్వాత కౌంటింగ్ హాల్ లోకి అనుమతిస్తారు. ఇద్దరు కౌంటింగ్ ఏజెంట్స్ నియమించుకునే అవకాశం ఉందనీ, ఒక టేబుల్ వద్ద ఆయా పార్టి, అభ్యర్ధి తరపున ఒక్కరినే అనుమతిస్తారు.. కౌంటింగ్ ఏజెంట్స్ అపాయింట్‌మెంట్, గుర్తింపు కార్డు మరియు డిక్లరేషన్, రిటర్నింగ్ అధికారి కౌంటింగ్ ఏజెంట్‌ను కౌంటింగ్ హాల్‌లోకి ప్రవేశించడానికి అనుమతిస్తారు. ఏజెంట్‌ని ఏ అభ్యర్ధి తరపున, ఏ టేబుల్ వద్ద కేటాయించడం జరిగిందో, జారీ చేసిన బ్యాడ్జి నిర్దారణ చేసుకున్న తరువాత మాత్రమే రిటర్నింగ్ అధికారికి అనుమతించే అధికారం ఉంది.

ప్రతి కౌంటింగ్ ఏజెంట్‌కు కౌంటింగ్‌ను వీక్షించే నిర్దేశించిన టేబుల్ క వద్ద కూర్చొని/నిలబడుతూ పరిశీలించడం కోసం అనుమతి ఇవ్వడం జరుగుతుంది. కౌంటింగ్ కేంద్రం మొత్తం తిరగడానికి అవకాశం లేదు. అభ్యర్థి, అతని ఎన్నికల ఏజెంట్ లేనప్పుడు, రిటర్నింగ్ అధికారి టేబుల్ వద్ద ఉన్న కౌంటింగ్ ఏజెంట్ మాత్రమే అన్ని కౌంటింగ్ టేబుల్‌ల చుట్టూ తిరగడానికి అనుమతించబడతారు.

కౌంటింగ్ కేంద్రంలో కౌంటింగ్ ఏజెంట్ల సీటింగ్ ఏర్పాట్లు-

వరుసలుగా ఏర్పాటు చేసిన టేబుల్స్‌పైనే పొలింగ్ కేంద్రాల వివరాలు పట్టికలు ఏర్పాటు చేస్తారు, అందుకు ప్రాధాన్యతా కు అనుగుణంగా సిట్టింగ్ ఏర్పాట్లు చేస్తున్నట్లు తెలిపారు.

ప్రతి అడ్డు వరుస వరుస సంఖ్యతో ఉంటుంది. ప్రతి కౌంటింగ్ టేబుల్ వద్ద ఆ మేరకు గుర్తింపు పొందిన జాతీయ పార్టీల అభ్యర్థుల కౌంటింగ్ ఏజెంట్లు, గుర్తింపు పొందిన రాష్ట్ర పార్టీల అభ్యర్థుల కౌంటింగ్ ఏజెంట్లు , రిజర్వ్ చేయబడిన / ఇతర రాష్ట్రాల గుర్తింపు పొందిన రాష్ట్ర పార్టీల అభ్యర్థుల కౌంటింగ్ ఏజెంట్లు, నమోదిత కాబడి గుర్తింపు లేని పార్టీల అభ్యర్థుల కౌంటింగ్ ఏజెంట్లు, తదుపరి స్వతంత్ర అభ్యర్థుల కౌంటింగ్ ఏజెంట్లు కౌంటింగ్ ప్రక్రియని పర్యవేక్షణ చేసే క్రమంలో ఏర్పాట్లు పూర్తయ్యాయన్నారు.