కార్యకర్త కుటుంబానికి ఎమ్మెల్యే సుజన చౌదరి ఆర్థిక సాయం

విజయవాడ, నేటి పత్రిక ప్రజావార్త :
పశ్చిమ నియోజకవర్గ శాసనసభ్యులు యలమంచిలి సత్యనారాయణ (సుజన చౌదరి) ఆదేశాలతో 52 వ డివిజన్ పరిధిలో అనారోగ్యంతో మరణించిన విజ్జి తిరునాద్ కుటుంబానికి ఆర్థిక సాయం అందించారు.ఎమ్మెల్యే కార్యాలయ సిబ్బంది, కూటమి నాయకులతో కలిసి మంగళవారం వారి కుటుంబాన్ని పరామర్శించారు. నిరుపేద అయినటువంటి విజ్జి తిరునాధ్ కుటుంబానికి ఆర్థిక సాయం అందజేయాలని 52 వ డివిజన్ బిజెపి నాయకులు దొడ్ల రాజా సుజనా దృష్టికి తీసుకెళ్లగా తక్షణమే ఆర్థిక సాయం అందజేయాలని ఆదేశాలు జారీ చేశారు. ఎమ్మెల్యే కార్యాలయ సిబ్బంది మంగళవారం రూ పదివేలను అందజేశారు. కార్యకర్తలకు ఎన్డీఏ కూటమి అండగా ఉంటుందని భరోసా ఇచ్చారు. ఎమ్మెల్యే సుజనాకు వారి కుటుంబ సభ్యులు కృతజ్ఞతలు తెలియజేశారు.