శ్రీ వైష్ణవ బ్రాహ్మణ సేవా సమితి ప్రారంభోత్సవంలో పాల్గొన్న లేపాక్షి చైర్మన్ డా. పసుపులేటి హరిప్రసాద్

తిరుపతి, నేటి పత్రిక ప్రజావార్త :
తిరుపతి BTR కాలనీలోని శుభలగ్నం ఫంక్షన్ హాల్‌లో శ్రీ వైష్ణవ బ్రాహ్మణ సేవా సమితి (SVBSS) నూతన సంఘం ప్రారంభోత్సవ కార్యక్రమం ఆదివారం ఘనంగా నిర్వహించారు. ఈ కార్యక్రమానికి ఆంధ్రప్రదేశ్ హస్తకళా నైపుణ్యాభివృద్ధి సంస్థ (లేపాక్షి) చైర్మన్, జనసేన పార్టీ PAC సభ్యులు, రాష్ట్ర జాయినింగ్ కమిటీ సభ్యులు, ఉమ్మడి చిత్తూరు జిల్లా అధ్యక్షులు డా. పసుపులేటి హరిప్రసాద్ ముఖ్య అతిథిగా హాజరయ్యారు.
ఈ సందర్భంగా డా. పసుపులేటి హరిప్రసాద్ మాట్లాడుతూ, సమాజ శ్రేయస్సు, సేవా కార్యక్రమాలు, పరస్పర సహకారం, ఐక్యత వంటి లక్ష్యాలతో శ్రీ వైష్ణవ బ్రాహ్మణ సేవా సమితి ఏర్పాటు కావడం అభినందనీయమని అన్నారు. సమాజ అభివృద్ధికి సంఘటితంగా పనిచేయడం ద్వారా అనేక సేవా కార్యక్రమాలను మరింత సమర్థవంతంగా నిర్వహించవచ్చని పేర్కొన్నారు. శ్రీ వైష్ణవ బ్రాహ్మణ సేవా సమితి నూతన కార్యవర్గం సమన్వయంతో పనిచేస్తూ, సభ్యుల సంక్షేమంతో పాటు సామాజిక సేవా కార్యక్రమాలను విస్తృతంగా నిర్వహించాలని డా. పసుపులేటి హరిప్రసాద్ ఆకాంక్షించారు. సమాజంలో పరస్పర సహకారం, సేవా భావం, ఐక్యతను మరింత బలోపేతం చేయడంలో సమితి కీలక పాత్ర పోషించాలని సూచించారు. ఈ సందర్భంగా శ్రీ వైష్ణవ బ్రాహ్మణ సేవా సమితి సభ్యులకు వైద్యపరమైన సహాయాన్ని అందించేందుకు డా. పసుపులేటి హరిప్రసాద్ ప్రత్యేక హామీ ఇచ్చారు. తన ఆసుపత్రిలో సమితి సభ్యులకు OP ఫీజు లేకుండా వైద్య సేవలు అందిస్తామని తెలిపారు. అవసరమైన వైద్య చికిత్సలు, సంబంధిత వైద్య సేవల విషయంలో రూ.25,000 నుంచి రూ.1,00,000 వరకు తన ఫీజులో రాయితీ కల్పిస్తామని ప్రకటించారు.
సమాజంతో తనకున్న అనుబంధానికి అనుగుణంగా, శ్రీ వైష్ణవ బ్రాహ్మణ సేవా సమితి చేపట్టే సేవా కార్యక్రమాలకు తనవంతు సహకారం ఎల్లప్పుడూ అందిస్తానని డా. పసుపులేటి హరిప్రసాద్ తెలిపారు. సమాజ సంక్షేమం కోసం సేవా సంస్థలు, ప్రజా ప్రతినిధులు, వివిధ రంగాలకు చెందిన ప్రముఖులు సమన్వయంతో ముందుకు రావాల్సిన అవసరం ఉందని పేర్కొన్నారు. నూతనంగా ఏర్పాటైన శ్రీ వైష్ణవ బ్రాహ్మణ సేవా సమితి మరింత అభివృద్ధి చెంది, సమాజానికి ఉపయోగపడే అనేక సేవా కార్యక్రమాలను నిర్వహించాలని ఆయన ఆకాంక్షించారు. సమితి భవిష్యత్ కార్యక్రమాలకు తన పూర్తి సహకారం ఉంటుందని హామీ ఇచ్చారు.
కార్యక్రమంలో శ్రీ వైష్ణవ బ్రాహ్మణ సేవా సమితి అధ్యక్షులు రఘు, కార్యదర్శి సురేంద్ర పృద్వింటీ, కార్యవర్గ సభ్యులు, సమితి సభ్యులు, ప్రముఖులు మరియు పలువురు పాల్గొన్నారు.