మోడల్ స్కూల్ ప్రిన్సిపాల్స్ తుది జాబితా విడుదల

-నేడు (10.10.23) సర్వీస్ సర్టిఫికేట్ వెరిఫికేషన్, కౌన్సిలింగ్
-ఏపీ మోడల్ స్కూల్ జాయింట్ డైరెక్టర్ ఎం.వి. కృష్ణారెడ్డి

విజయవాడ, నేటి పత్రిక ప్రజావార్త :
ఆంధ్రప్రదేశ్ ఆదర్శ పాఠశాలల్లోని (ఏపీ మోడల్ స్కూల్) 14 మంది ప్రిన్సిపాళ్ల పోస్టుల పదోన్నతులకు సంబంధించి 50 అభ్యంతరాలు స్వీకరించామని, తర్వాత వాటిని పరిష్కరించి సీనియర్టీ తుది జాబితా, ప్యానెల్ జాబితా cse.ap.gov.in వెబ్ సైటులో పొందుపరిచినట్లు ఏపీ మోడల్ స్కూల్ జాయింట్ డైరెక్టర్ ఎం వి కృష్ణారెడ్డి తెలిపారు. పదోన్నతుల తుది జాబితాలో ఉన్న అభ్యర్థులు సర్వీస్ రిజిస్టర్ వెరిఫికేషన్, కౌన్సిలింగ్ కు మంగళవారం (10.10.23న) ఉదయం పది గంటలకు ఏపీ మోడల్ స్కూల్ రాష్ట్ర కార్యాలయం, ఇబ్రహీంపట్నం నందు హాజరవ్వాలని ఏపీ మోడల్ స్కూల్ జాయింట్ డైరెక్టర్ ఎం వి కృష్ణారెడ్డి  కోరారు.