జిజిహెచ్ ను సందర్శించిన జెసి ఎల్. శివశంకర్, సబ్ కలెక్టర్ ప్రవీణ్ చంద్

విజయవాడ, నేటి పత్రిక ప్రజావార్త :
జిల్లా జాయింట్ కలెక్టర్ (అభివృద్ధి) లోతేటి శివశంకర్, విజయవాడ సబ్ కలెక్టర్ జి. సూర్యసాయి ప్రవీణ్ చంద్ శనివారం స్థానిక జిల్లా ప్రభుత్వ ఆసుపత్రిని(జిజిహెచ్) పరిశీలించారు. ఈ సందర్భంగా ఆసుపత్రిలో అభివృద్ధి పనులను, పలు విభాగాలను వారు పరిశీలించారు. ఈ సందర్భంగా ఆసుపత్రిలో చికిత్స పొందుతున్న పలువురు రోగులతోను వారి బంధువులతోను మాట్లాడి వారికి అందుతున్న వైద్య సేవలపై ఆరా తీశారు. అనంతరం వైద్య అధికారులతో సమావేశమై ఆసుపత్రి అభివృద్ధికి సంబంధించి అభివృద్ధి పనులు, నిర్వహణ తదితర అంశాలపై సమీక్షించారు.  ఈసమావేశంలో ఆసుపత్రి సూపరింటెండెంట్ డా. జగన్మోహనరావు, ఆర్‌యంఓ డా. శోభ, సిద్ధార్థ మెడికల్ కళాశాల ప్రిన్సిపల్, ఏపి ఎంఎడిసి ఎగ్జిక్యూటివ్ ఇంజనీర్ తదితరులు పాల్గొన్నారు.