మేళాను పరిశీలించిన జిల్లా కలెక్టరు

గుంటూరు, నేటి పత్రిక ప్రజావార్త :
శనివారం రాత్రి సరస్ మేళాను జిల్లా కలెక్టర్ ఏ తమీమ్ అన్సారియా పరిశీలించారు. స్టాల్స్,, భోజనశాలను, ఫుడ్ కోర్టును, త్రాగునీరు పంపులను పరిశీలించి, స్టాల్స్ నిర్వాహకుల నుంచి ఫీడ్ బ్యాక్ తీసుకొనగ వారు ఏర్పాట్లపై సంతృప్తి వ్యక్తం చేశారు. ఈ సందర్భంగా కలెక్టర్ మాట్లాడుతూ విధులు కేటాయించిన అధికారులు నిరంతర అప్రమత్తంగా ఉంటూ స్టాల్స్ నిర్వహణకు, కొనుగోలు చేయడానికి వచ్చిన ప్రజలకు ఇబ్బందులు లేకుండా నిరంతరం పర్యవేక్షించాలని సూచించారు. శనివారం నుంచి అధిక సంఖ్యలో ప్రజలు వస్తున్నందున, రానున్న రోజుల్లోనూ ప్రజల రద్దీ మరింతగా పెరిగే అవకాశం ఉన్నందున దానికి అనుగుణంగా అవసరమైన అన్ని చర్యలు తీసుకోవాలని తెలిపారు. కార్యక్రమంలో పౌరసరఫరాల అధికారి కోమలి పద్మ, , ఏపీడి అశోక్ కుమార్, ఇతర అధికారులు పాల్గొన్నారు.