‘తానా’ సభలకు మంత్రి సవితకు ఆహ్వానం

అమరావతి, నేటి పత్రిక ప్రజావార్త :
అమెరికాలోని మిచిగన్ లో తానా ఆధ్వర్యంలో జరిగే తెలుగు మహా సభలకు రాష్ట్ర బీసీ సంక్షేమ మంత్రి ఎస్.సవితను ఆహ్వానించారు. తానా సంస్థ ప్రతినిధులు బుధవారం అమరావతిలోని అసెంబ్లీలో మంత్రి సవితను కలిసి, ఆహ్వాన పత్రికను అందజేశారు. ఈ ఏడాది జులై మూడో తేదీ నుంచి అయిదు తేదీ వరకు మూడ్రోజుల పాటు తానా తెలుగు మహాసభలు జరగనున్నాయి. రెండు తెలుగు రాష్ట్రాల ముఖ్యమంత్రులు, డిప్యూటీ సీఎం పవన్ కల్యాణ్, నటుడు, ఎమ్మెల్యే బాలకృష్ణ, చిరంజీవి సహా ఎందరో ప్రముఖులు హాజరుకానున్నట్లు మంత్రి సవితకు తానా ప్రతినిధులు తెలిపారు. మూడ్రోజుల పాటు జరిగే తానా తెలుగు మహా సభలకు హాజరుకావాలని వారు మంత్రిని కోరారు. ఇందుకు మంత్రి సవిత సానుకూలంగా స్పందించారు. తానా మహాసభలకు హాజరుకానున్నట్లు తెలిపారు. మంత్రిని కలిసిన వారిలో నాదెళ్ల గంగాధర్, సీహెచ్.ఉదయ్ కుమార్ తదితరులు ఉన్నారు.