అన్ని అవయవాల్లో కెల్ల నయనం ప్రధానం…

విజయవాడ, నేటి పత్రిక ప్రజావార్త :
అరసవిల్లి అరవింద్ చారిటబుల్ ట్రస్ట్ వారి ఆధ్వర్యంలో వెన్నెల కంటి ఆసుపత్రికి చెందిన డా: ఉపేందర్ చే విజయవాడ ప్రకాశం బ్యారేజి కి చేరువలో గల “చిగురు బాలల గ్రామం” నందు సుమారు 70 మంది పిల్లలకు ఉచిత కంటి పరీక్ష మరియు మందుల పంపిణీ కార్యక్రమం శనివారం నిర్వహించినట్లు ట్రస్ట్ అధినేత అరసవిల్లి అరవింద్ తమ కార్యాలయం నుండి ఒక ప్రకటన విడుదల చేశారు. ఈ సందర్భంగా అరసవిల్లి అరవింద్ మాట్లాడుతూ తమ ట్రస్ట్ నిర్వహిస్తున్న సేవ కార్యక్రమాలలో భాగంగా చిగురు ఆర్ఫన్ హౌజ్ పిల్లల గురించి తెలిసి వారికి గల కంటి సమస్యలకు పరిష్కారం చూపించాలనే ఉద్దేశం తో ఈ రోజు ఉచిత కంటి పరీక్ష కేంద్రం ఏర్పాటు చేసినట్లు ఇటువంటి కార్యక్రమాలు ఎంతో సంతృప్తిని కలిగిస్తాయని తెలియజేశారు. ఈ కార్యక్రమంలో ఆర్ఫన్ హౌజ్ ఇంఛార్జి అనిల్ పాల్గొని ట్రస్ట్ వారికి కృతజ్ఞతలు తెలియజేశారు.