అధిక ధరలకు అమ్మకాలు జరిపిన సంబంధిత షాపులపై కేసులు నమోదు…

విజయవాడ, నేటి పత్రిక ప్రజావార్త :
అధిక ధరలకు తిను బండారాలు, శీతల పానీయాలు, బిస్కెట్, చిప్స్ ప్యాకెట్స్, మజ్జిగ, పెరుగు ప్యాకెట్స్ లను అమ్మకాలు జరిపిన సంబంధిత షాపులపై కేసులు నమోదు చేయడంతోపాటు సీజ్ చేయడం జరుగుతుందని విజయవాడ యూనిట్ రీజినల్ విజిలెన్స్ అండ్ ఎన్ ఫోర్స్ మెంట్ అధికారి కనకరాజు హెచ్చరించారు. విజిలెన్స్ అండ్ ఎన్ ఫోర్స్ మెంట్ విజయవాడ యూనిట్ రీజినల్ ఆఫీసర్ టి.కనకరాజు ఆధ్వర్యంలో మంగళవారం జిల్లాలోని శ్రీ కనకదుర్గమ్మ గుడి, ఇంద్రకీలాద్ర, విజయవాడ, కొండపల్లి ఖిల్లా, ఇబ్రహీంపట్నం ఏరియా లోని పలు దుకాణాల్లో ఆకస్మికంగా దాడులు నిర్వహించి అధిక ధరలకు వస్తువులను విక్ర యించిన దుకాణ నిర్వాహకులపై కేసులు నమోదు చేశామని విజిలెన్స్ అండ్ ఎన్ఫోర్స్మెంట్ ఆఫీసర్ టి.కనకరాజు తెలిపారు.