Prajavartha Online Telugu News
-జిల్లా కలెక్టర్ మరియు జిల్లా ఎన్నికల అధికారి ప్రవీణ్ కుమార్
తిరుపతి, నేటి పత్రిక ప్రజావార్త :
నామినేషన్ల స్కృటిని ప్రక్రియ ఎన్నికల కమిషన్ నిబంధనల మేరకు, రిటర్నింగ్ ఆఫీసర్స్ హ్యాండ్ బుక్ మేరకు సజావుగా పకడ్బందీగా నిర్వహించాలని కలెక్టర్ మరియు జిల్లా ఎన్నికల అధికారి ప్రవీణ్ కుమార్ సంబంధిత ఈఆర్ఓ లను, అధికారులను ఆదేశించారు. గురువారం న్యూఢిల్లీ నుండి ఆంధ్రప్రదేశ్ రాష్ట్రంలోని రిటర్నింగ్ అధికారులు / అసిస్టెంట్ రిటర్నింగ్ అధికారులకు నామినేషన్ల పరిశీలనపై సందేహ నివృత్తి సెషన్ ను ఎమ్మెస్ టీమ్స్ ద్వారా వీడియో కాన్ఫరెన్స్ ను ఎన్నికల కమీషన్ నిర్వహించగా విసి అనంతరం కలెక్టరేట్లోని వీడియో కాన్ఫరెన్స్ హాల్ నుండి అసెంబ్లీ నియోజకవర్గ ఈఆర్ఓ లతో జిల్లా కలెక్టర్ వర్చువల్ విధానంలో సమావేశం నిర్వహించి పలు సూచనలు చేశారు. జిల్లా కలెక్టర్ మాట్లాడుతూ ఈనెల 26వ తేదీన రేపు శుక్రవారం తిరుపతి పార్లమెంట్ నియోజకవర్గానికి, అసెంబ్లీ నియోజకవర్గాలకి సంబంధించిన నామినేషన్ల స్కృటిని ప్రక్రియ ఎన్నికల కమిషన్ నిబంధనల మేరకు, రిటర్నింగ్ హ్యాండ్ బుక్ మేరకు పరిశీలన ప్రక్రియను పకడ్బందీగా నిర్వహించాలని ఆదేశించారు. ఈ సమావేశంలో అన్ని నియోజక వర్గాల ఈఆర్ఓ లు, జిల్లా నోడల్ అధికారులు పాల్గొన్నారు.
