బుడమేరు వరద మృతుని కుటుంబానికి 5 లక్షల చెక్కు అందించిన మంత్రి కొల్లు రవీంద్ర

మచిలీపట్నం, నేటి పత్రిక ప్రజావార్త :
రాష్ట్ర గనులు, భూగర్భవనరులు, ఎక్సైజ్ శాఖ మంత్రి కొల్లు రవీంద్ర ఇటీవల ప్రమాదవశాత్తు బుడమేరు వరదలో కొట్టుకుపోయి మరణించిన బందరు మండలం హుస్సేన్ పాలెం గ్రామానికి చెందిన మృతుడు కలిదిండి ఫణి కృష్ణ కుటుంబానికి వరదసాయంగా రూ. 5 లక్షల చెక్కును శనివారం మంత్రి మృతుని ఇంటి వద్ద అతని భార్య జ్యోతికి అందజేశారు. ఈ సందర్భంగా మంత్రి మృతుని కుటుంబ సభ్యులను ఓదార్చి ధైర్యంగా ఉండాలని వారిలో ఆత్మస్థైర్యం నింపారు. మృతునికి ఇద్దరు ఆడపిల్లలు కాగా, పిల్లల చదువులకు ఏ సహాయం కావాలన్నా ప్రభుత్వపరంగా అందిస్తామని హామీ ఇచ్చారు. బాగా చదువుకుని వృద్దిలోకి రావాలని పిల్లలను దీవించారు. మాజీ మున్సిపల్ చైర్మన్ బాబా ప్రసాద్, స్థానిక నాయకులు కుంచే దుర్గాప్రసాద్, తాసిల్దారు శ్రీనివాస్ తదితరులు మంత్రి వెంట ఉన్నారు