టీడీపీ మహానాడు ఏర్పాట్లను మంత్రి ఎస్ సవిత పరిశీలన

కడప, నేటి పత్రిక ప్రజావార్త :
టీడీపీ మహానాడు ఏర్పాట్లను జిల్లా ఇన్చార్జి మంత్రి హోదాలో రాష్ట్ర బీసీ సంక్షేమ శాఖ మంత్రి ఎస్ సవిత సోమవారం పర్యవేక్షించారు. రాష్ట్ర హోం మంత్రి అనిత, గిరిజన సంక్షేమ శాఖ మంత్రి సంధ్యారాణితో మహానాడు ఏర్పాట్లను మంత్రి సవిత పరిశీలించారు. మంగళవారం నుంచి టీడీపీ మహానాడు ప్రారంభం కానున్న నేపథ్యంలో రాష్ట్రం నలుమూలల నుంచి వచ్చే టీడీపీ నాయకులు, కార్యకర్తలకు వసతి కల్పన నిర్వహించిన సమావేశంలో మంత్రులు బీసీ జనార్దన్ రెడ్డి, అనగాని సత్యప్రసాద్, వంగలపూడి అనిత, సంధ్యారాణి, ఎన్ఎండి ఫరూక్, ఇతర టీడీపీ నాయకులతో మంత్రి సవిత పాల్గొన్నారు. ఏర్పాట్లలో నిర్లక్ష్యం చూపొద్దని మంత్రి సవిత స్పష్టం చేశారు.