ఉపాధ్యాయుల నియోజకవర్గ ఓటరు జాబితా తయారు చేయుటకై షెడ్యూలు…

విజయవాడ, నేటి పత్రిక ప్రజావార్త :
ఎన్నికల సంఘం, న్యూడిల్లీ వారు కృష్ణా -గుంటూరు జిల్లాల ఉపాధ్యాయుల నియోజకవర్గ ఓటరు జాబితా తయారు చేయుటకై షెడ్యూలు ఇచ్చియున్నారు.
కృష్ణా – గుంటూరు జిల్లాల ఉపాధ్యాయుల నియోజకవర్గాలకు సంబంధించిన ఓటర్ల జాబితాలను ఎన్నికల ముందు ప్రతిసారి కొత్తగా సిద్ధం చేయాల్సి ఉంటుంది. కాబట్టి, ఈ నియోజకవర్గానికి సంబందించి అర్హత గల ఉపాధ్యాయులందరూ కూడా నిర్ణీత ఫారం-19లో తాజాగా సంబంధిత తహశీల్దార్ / MPDO / మున్సిపల్ కార్యాలయములలో దరఖాస్తులను తేది 06.11.2026 లోగా సమర్పించాలి.
ఆంధ్రప్రదేశ్ శాసన మండలి నందు గల కృష్ణా – గుంటూరు ఉపాధ్యాయుల నియోజకవర్గం యొక్క ఓటరు జాబితా నందు నమోదు కావడానికి అర్హత తేది (01-11-2026). బాపట్ల, పల్నాడు, గుంటూరు, NTR, కృష్ణా మరియు ఏలూరు జిల్లాలలో ప్రభుత్వ / ఎయిడెడ్ /అన్-ఎయిడెడ్ పాఠశాలలు/ కళాశాలలలో పనిచేస్తున్న అర్హతగల ఉపాధ్యాయులు / లెక్చరర్లు నమోదు చేసుకొనవలెను.
అర్హతలు:
ఉపాద్యాయుల నియోజకవర్గంలో ఓటరుగా నమోదు కావాలనుకునే వ్యక్తి భారతదేశ పౌరుడై ఉండవలెను మరియు నియోజకవర్గంలో నివసించవలెను.
ఓటరుగా నమోదు కావాలనుకునే వ్యక్తి ఫారం-19 లో దరఖాస్తుతో పాటు సంబంధిత వ్యక్తి ది.01.11.2026 నాటికి గడిచిన 6 సంవత్సరములలో మొత్తం 3 సంవత్సరములు పాటు ఉన్నత పాఠశాల / కళాశాల యందు టీచరు / లెక్చరర్ గా పని చేస్తున్నట్లు ధృవీకరిస్తూ విద్యా సంస్థ అధిపతి నుండి ఒక ధృవీకరణ పత్రాన్ని కలిగి ఉండాలి.
దరఖాస్తు తేదీలో బోధనలో లేని వ్యక్తి విషయంలో, అతను చివరిగా పనిచేసిన సంస్థ అధిపతిచే సర్టిఫికేట్ సంతకం చేయబడాలి.
వ్యక్తిగతంగా లేదా పోస్ట్ ద్వారా పెద్ద మొత్తంలో సమర్పించబడిన దరఖాస్తులు పరిగణించబడవు. అయితే, సంస్థల అధిపతి తన సిబ్బంది అందరి దరఖాస్తులను కలిపి పార్వార్డ్ చేయవచ్చును. ఒక కుటుంబంలోని ఒక సభ్యుడు అదే కుటుంబానికి చెందిన ఇతర సభ్యుల ఫారమ్-19ని కూడా సమర్పించవచ్చును.
ఎయిడెడ్ / అన్-ఎయిడెడ్ పాఠశాల / కళాశాల లలో మరియు ప్రైవేట్ / ప్రభుత్వ ఉన్నత పాఠశాల లలో / కళాశాల లలో పనిచేయుచున్న ఉపాద్యాయులు / లెక్చరర్లు సంబందిత జిల్లా విద్యాశాఖాధికారి/ RIO / RJD లచే అనుబంధం-II నందు తప్పని సరిగా కౌంటర్ సంతకం చేయించిన యెడలవారు ఓటు నమోదుకు అర్హులు.
దరఖాస్తులో తప్పు అని మరియు తనకు తెలిసినా లేదా అబద్ధమని విశ్వసించినా లేదా నిజమని విశ్వసించని ప్రకటన లేదా ప్రకటన చేసిన ఏ వ్యక్తి అయినా ప్రజా ప్రాతినిధ్య చట్టంలోని సెక్షన్ 31, 1950 ప్రకారం శిక్షార్హుడని గమనించాలి.

నమోదుకు కావలసిన దృవపత్రములు:
ఫారం – 19 దరఖాస్తు
పాస్ పోర్టు సైట్ ఫోటో
ప్రభుత్వ పాఠశాల / కళాశాలలో పనిచేయుచున్న ఉపాద్యాయులు / లెక్చరర్లు అనుబందం-II పై ప్రధానోపాద్యాయులు / మండల విద్యాశాఖా అధికారి/ ప్రిన్సిపాల్ తో ధృవీకరణతో కూడిన ధరఖాస్తు సమర్పించవలెను.
ప్రైవేట్ పాఠశాల కళాశాలలో పనిచేయుచున్న ఉపాద్యాయులు / లెక్చరర్లు అనుబందం-II పై ప్రధానోపాధ్యాయులు / ప్రిన్సిపాల్ దృవీకరణతో పాటు DEO / RIO / RJD లతో కూడా తప్పని సరిగా కౌంటర్ సంతకం చేయించవలెను.
మీ అసెంబ్లీ నియోజకవర్గపు ఓటరు గుర్తింపు కార్డు వివరాలు మరియు అందుబాటులో ఉన్నయెడల ఆధార్ కార్డు వివరాలు
ధరఖాస్తు విధానం (ఆఫ్ లైన్ ద్వారా):
ఎలక్ట్రోరల్ రిజిస్ట్రేషన్ అధికారి, కృష్ణా – గుంటూరు ఉపాద్యాయ నియోజకవర్గం మరియు జిల్లా రెవిన్యూ అధికారి వారి కార్యాలయము, గుంటూరు
స్థానిక సబ్-కలెక్టర్ / రెవెన్యూ డివిజనల్ అధికార్ల కార్యాలయములలో
స్థానిక తహశీల్దార్లు/ మండల పరిషత్ అభివృద్ధి అధికార్ల కార్యాలయములలో
అన్ని మున్సిపల్ కార్యాలయములలో దరఖాస్తు చేసుకొనవచ్చును.
ఫారమ్-19 యొక్క ముద్రిత దరఖాస్తులను కలెక్టర్/ RDO/ Tahsildar/ MPDO కార్యాలయాల నుండి పొందవచ్చు.
ధరఖాస్తు విధానం (ఆన్లైన్ ద్వారా):
www.ceoandhra.nic.in – Elector Registration for Teachers’ Constituency నందు దరఖాస్తు సమర్పించవచ్చును మరింత సమాచారము మరియు సహాయం కొరకు టోల్ ఫ్రీ నెంబరుకు 1950 లేదా స్థానిక తహశీల్దారు వారి కార్యాలయములలో సంప్రదించవచ్చును.
కృష్ణా – గుంటూరు ఉపాధ్యాయ నియోజకవర్గం నందు ఓటరుగా నమోదు చేసుకొనుటకు చివరి తేది 06.11.2026 అయి ఉన్నదని తెలియజేయడమైనది. కావున అర్హత కలిగిన ఉపాధ్యాయులు / లెక్చరర్లు ఓటు నమోదు చేసుకోవలసినదిగా కోరడమైనది.